प्रधानमन्त्रीको न्युयोर्क भ्रमण सफल र फलदायी
October 29th, 2024
न्युयोर्क — प्रधानमन्त्रीका मुख्य सल्लाहकार विष्णुप्रसाद रिमालले ७९ औं महासभा र समिट अफ द फ्युचरमा नेपाली प्रतिनिधिमण्डलको नेतृत्व गर्दै अमेरिका आएका प्रधानमन्त्री केपी शर्मा ओलीको भ्रमण सफल र फलदायी भएको बताएका छन् ।
प्रधानमन्त्री ओलीले महासभालाई शुक्रबार राती सम्बोधन गरेपछि कान्तिपुरसँगको कुराकानीमा रिमालले भने,‘छोटो समयमै प्रधानमन्त्रीज्यूको भ्रमण सफल र फलदायी रह्यो ।’
उनले अरु समयमा जस्तो नभई यस पटक महासभाको साथसाथै समिट अफ द फ्युचर पनि भएको र दुवैमा प्रधानमन्त्रीले नेपालको तर्फबाट प्रभावकारी रुपमा सम्बोधन गरेको पनि उल्लेख गरे ।
उनले यसपटक कम विकसित मुलुकहरुको अध्यक्षको हैसियतमा नेपालका प्रधानमन्त्री ओलीले एउटा सत्र सञ्चालन गर्नुको साथै सम्बोधन गरेको बताए ।
आश्विन १२, २०८१ । जगदीश्वर पाण्डे । प्रधानमन्त्रीको न्युयोर्क भ्रमण सफल र फलदायी : मुख्य सल्लाहकार रिमाल