के एमाले एक्लिए कै हो?

March 16th, 2023

एमाले एक्लियो ! अहिले मिडियामा यो न्यारेटिभ पनि स्थापित गर्ने प्रयास हुँदैछ– १० दलको गठबन्धन एकातिर छ तर एमाले एक्लै छ । हामी भन्छौं– एमाले दलहरुको सिण्डिकेट सञ्चालन गर्न निर्माण भएको पार्टी होइन । हामी सानै थियौं, पञ्चायत बिरुद्धको लडाईमा एक्लै उभियौं । जनमत सिर्जना भयो । अरु पनि क्रमश जोडिए । प्रतिस्पर्धामा सामेल भए । सरकार सञ्चा,लनको अवसर पाउँदा वा विपक्षमा रहँदा हामीले अजेण्डाको आधारमा मुलुक सञ्चालन गर्न खोज्यौं । ०५१ सालमा पहिलो चोटी सरकार बनाएदेखि अहिलेसम्म हेर्ने हो भने एमालेले नेतृत्व गरेको सरकारले मात्र विकास निर्माण र सामाजिक न्यायको क्षेत्रमा मानक छोडेर गएको छ ।